Sunday, September 2, 2007

مأساة فى الطفولة


لا تعلق فى ذاكرتى بشىء بال فى سنتى الأولى الأبتدائية سوى أمر واحد ألا وهو أنى كنت ذاهبة الى السوق مع والدتى وجدتى التى احبها حبا جما وأسال الله ان يرحمها فطلبت منها ان تحضرلى قطع حلوى(شيكولاتة) فلم تجد فى محلات السوق (الشيكولاته) التى اعشقها فأخذت ابكى بصوت عال اجش فطلبت منى جدتى ان أصبر حتى نعود الى المنزل ولكن انكمش وجهى صارخ ايحاء لرفضى لكونى شخصيه لحوحة وعنيدة منذ الصغر وأخذت أصرخ باكيه فصاحت والدتى بى قائله(يالا يا بت امشى ومتعيطيش) وبعد ذلك طلبت من جدتى أن تتركنى وحدى فى شارع السوق من اجل أن أخاف وأذهب ورائهم فشاهدتنى امرأة عجوز يبدو على وجهها معالم الأجرام والشبهة فتبسمت فى وجهى البرىء الساذج ومدت يدها نحوى لتقدم لى (الشيكولاته) فتبسمت وكدت أطير من الفرحة وأخذت منها قطعة الحلوى وفى تلك الوقت قد نسيت كل شىء وما تذكرت سوى أن أكل (الشيكولاته) فكنت مثل الغريق الذى وجد منجيه واصطحبتنى تلك المرأة الى منزلها ولكن من حسن حظى شاهدت جدتى المرأة فصاحت فى أمى قائله(بنتى بنتى ألحقى يا أم ايمان)فانطلقت جدتى انطلاق الثور الهائج وانقضت على المرأة العجوز وأخذتنى بقوة وصرخت فيها بصوت عال اجش (انتى ياست انتى هاتى البنت والله لوديكى فى داهية) فأخذت اصرخ وابكى من الخوف لا بل انتحب من سذاجة تفكيرى ومن هذا الموقف تعلمت والدتى الا تتركنى مرة اخرى بمفردى فى الطريق 0

7 comments:

همسات said...

مبروووووووووك ياايمى المدونة
وعايزاكى تنورى فى المدنات
:)
المقال طبعا حلو وعايزة اشوف الجديد
:)

أحمد سلامــه said...

مبروووك يا ايمان عالمدونة الجديدة
عاوزين شغل جامد بقى
ذكريات الطفولة ومواقفها دي انعكاس طبيعي للتركيبة الشخصية بتاعة اي حد فينا
بس انا عاوز اعرف حاجة
انتي قلتي في الاخر

ومن هذا الموقف تعلمت والدتى الا تتركنى مرة اخرى

طيب تمام
وانتي بقى اتعلمتي ايه من الموقف ده
------
يالله الف مبروك المدونة
ومستنيين الجاي

emy said...

والله يا أحمد تقدر تقول ان أنا من ساعتها اتعلمت ان ابطل أكل الشيكولاتة خالص

emy said...

هدى ميرسى أوى على تشجيعك ليا لعمل المدونة وبشكرك بشدة على مساعدتك واتمنى أشوفك دايما متألقة فى الكتابة

أحمد سلامــه said...

يا حرام
تصدقي كده بقت ماساه فعلا
حد يبطل الشيكولاته
قلبي معاكي

sahr said...

طيب حمد الله على سلامتك
جت سليمة
وارجعي تاني للشيكولاته ملهاش ذنب

emy said...

سهر متشكرة اوى على زيارتك مدونتى وان شاء الله هحاول أخذ بنصيحتك وأرجع للشيكولاته تانى مع انها بتخن لكن يالا زى بعضه الواحد بيحبها بئه يعمل ايه