لا تعلق فى ذاكرتى بشىء بال فى سنتى الأولى الأبتدائية سوى أمر واحد ألا وهو أنى كنت ذاهبة الى السوق مع والدتى وجدتى التى احبها حبا جما وأسال الله ان يرحمها فطلبت منها ان تحضرلى قطع حلوى(شيكولاتة) فلم تجد فى محلات السوق (الشيكولاته) التى اعشقها فأخذت ابكى بصوت عال اجش فطلبت منى جدتى ان أصبر حتى نعود الى المنزل ولكن انكمش وجهى صارخ ايحاء لرفضى لكونى شخصيه لحوحة وعنيدة منذ الصغر وأخذت أصرخ باكيه فصاحت والدتى بى قائله(يالا يا بت امشى ومتعيطيش) وبعد ذلك طلبت من جدتى أن تتركنى وحدى فى شارع السوق من اجل أن أخاف وأذهب ورائهم فشاهدتنى امرأة عجوز يبدو على وجهها معالم الأجرام والشبهة فتبسمت فى وجهى البرىء الساذج ومدت يدها نحوى لتقدم لى (الشيكولاته) فتبسمت وكدت أطير من الفرحة وأخذت منها قطعة الحلوى وفى تلك الوقت قد نسيت كل شىء وما تذكرت سوى أن أكل (الشيكولاته) فكنت مثل الغريق الذى وجد منجيه واصطحبتنى تلك المرأة الى منزلها ولكن من حسن حظى شاهدت جدتى المرأة فصاحت فى أمى قائله(بنتى بنتى ألحقى يا أم ايمان)فانطلقت جدتى انطلاق الثور الهائج وانقضت على المرأة العجوز وأخذتنى بقوة وصرخت فيها بصوت عال اجش (انتى ياست انتى هاتى البنت والله لوديكى فى داهية) فأخذت اصرخ وابكى من الخوف لا بل انتحب من سذاجة تفكيرى ومن هذا الموقف تعلمت والدتى الا تتركنى مرة اخرى بمفردى فى الطريق 0
Subscribe to:
Post Comments (Atom)
7 comments:
مبروووووووووك ياايمى المدونة
وعايزاكى تنورى فى المدنات
:)
المقال طبعا حلو وعايزة اشوف الجديد
:)
مبروووك يا ايمان عالمدونة الجديدة
عاوزين شغل جامد بقى
ذكريات الطفولة ومواقفها دي انعكاس طبيعي للتركيبة الشخصية بتاعة اي حد فينا
بس انا عاوز اعرف حاجة
انتي قلتي في الاخر
ومن هذا الموقف تعلمت والدتى الا تتركنى مرة اخرى
طيب تمام
وانتي بقى اتعلمتي ايه من الموقف ده
------
يالله الف مبروك المدونة
ومستنيين الجاي
والله يا أحمد تقدر تقول ان أنا من ساعتها اتعلمت ان ابطل أكل الشيكولاتة خالص
هدى ميرسى أوى على تشجيعك ليا لعمل المدونة وبشكرك بشدة على مساعدتك واتمنى أشوفك دايما متألقة فى الكتابة
يا حرام
تصدقي كده بقت ماساه فعلا
حد يبطل الشيكولاته
قلبي معاكي
طيب حمد الله على سلامتك
جت سليمة
وارجعي تاني للشيكولاته ملهاش ذنب
سهر متشكرة اوى على زيارتك مدونتى وان شاء الله هحاول أخذ بنصيحتك وأرجع للشيكولاته تانى مع انها بتخن لكن يالا زى بعضه الواحد بيحبها بئه يعمل ايه
Post a Comment